Nag-upod man ang Sweden sa tikang sang iban nga mga pungsod sa Europa nga pag-expel sa mga Russian diplomats bangud sa ginapahayag pag-spy sa ila nga mga hilikuton.
Suno sa foreign ministry sang Sweden, tatlo gid ka diplomats halin sa Russia ang gin-expel kasunod sang pagpatigayon sang mga ini sang illegal intelligence-gathering operations.
Antes ang Sweden, nauna na ang Italy, Spain, France, Belgium kag the Netherlands have sa pagpahalin sang Russian diplomats bangud sa amo man nga alegasyon — ang spying activity.
Suno kay Bombo International Correspondent Fatima Sutinen direkta sa Sweden, vocal gid ang mga tawo sa amo nga European country sa pagpakita sang pagpamatok sa Russia kag pagpabutyag sang suporta sa Ukraine.
Nagabaton man ang Sweden sang Ukrainian refugees.
Ang tikang sang mga pungsod sa Europa ang gin-trigger pa gid sang reports nga may natukiban nga mga mass graves sa Ukraine kun sa diin nakit-an nga nahal-id lang ang bangkay sang mga sibilyan sa Bucha kasunod sang pag-isol sang iban nga Russian forces.
