Nakaabot sa International Space Station ang isa ka Russian actress kag isa ka film director sa misyon nga makahimo sang labing-una nga movie sa kalibutan nga gin-film sa space.
Nag-byahe ang aktres nga si Yulia Peresild kag ang director nga si Klim Shipenko sakay sa Russian Soyuz spacecraft kaupod ang cosmonaut nga si Anton Shkaplerov, ang pinaka-beterano sa ila nga tatlo sa amo nga space mission.
Tatlo ka oras kag tunga ang ginlawig antes nakaaabot sa space ang tatlo. Naghalin sila sa Russian space launch facility sa Baikonur, Kazakhstan.
Gina-film sang mga natungdan ang bag-o nga movie nga may titulo “Challenge”. Pagkatapos sang 12 ka adlaw sa space outpost, natalana nga magabalik sila sa Earth.
Suno kay Kremlin spokesman Dmitry Peskov, ang mission sang space crew ang makabulig agud mapadayaw ang space prowess sang Russia.
