ILOILO CITY- Ginkumpirma sang International Olympic Committee nga indi magpasakop ang Russians kag Belarusians sa parada sang mga atleta sa opening ceremony sang Paris 2024 Olympics sa Hulyo.
Ini apisar nga maga-compete sila bilang individual neutral athletes (AINs) sa idalom sang specially-created flag nga may anthem nga wala sang lyrics nga mismo ang International Olympic Committee ang nag-produce.
Ini nga tikang ang naangot sa invasion sang Russia sa Ukraine sang 2022 kun sa diin kaalyado sang Russia ang Belarus nga suportado ang amo nga pagpang-atake.
Gin-athag naman sang Olympic body nga makaintra gihapon ini nga mga atleta sa iban nga parte sang opening ceremony magluwas lang sa team parade.
Ang opening ceremony sa Paris ang patigayunon sa stadium apang i-stage ini sa river Seine nga may mga teams nga magalabay sa kapin 300,000 spectators.
Suno sa Olympic body, may yara sang 36 Russian kag 22 Belarusian athletes nga ginalauman nga magahampang sa Paris.
Tuman ka nubo ini nga numero kun ipaanggid sa Russian team nga may 330 athletes sa Tokyo Olympics sang 2021 samtang ang Belarus ang may yara naman sang 104 sang amo nga edisyon.
