ILOILO CITY – Ginpahayag sang Russian military nga nagsugod na sila sa paggamit sang hypersonic missiles agud gub-on ang ammunition depot sa Western Ukraine.
Sa video nga gin post sang isa ka Russian state media, ginpahayag ni Maj. Gen. Igor Konashenkov nga ang “Kinzhal aviation missile system nga may hypersonic aeroballistic missiles ang gin-deploy kag nagguba sang dako nga underground warehouse nga may unod nga missiles kag aviation ammunition nga nahamtang sa Delyatyn.
Ang video ang naggwa pagkatapos sang panawagan ni Ukraine President Volodymyr Zelenskyy nga magpatigayon sang dayalogo sa Moscow agud untaton ang invasion kag ibalik ang territorial integrity kag justice sa Ukraine.
Ang panawagan ni Zelenskyy ang kasunod man sang nagapadayon nga inaway sa palibot sang Kyiv kag suno sa Ukrainian officials, ang port city sang Mariupol ang indi na maagyan padulong sa Azov Sea samtang ang Russian forces ang nagapadayon man sang pagpamomba sa pila ka bahin sang syudad.
