Naubos gid patay ang mga sakay sang isa ka passenger plane sa Russia matapos ini nagtibusok samtang nagahinampot na sa destinasyon.
Ang involved sa insidente amo ang An-24 aircraft nga ginhimo sang 1976 kag gina-operate sang Siberian regional airline nga Angara.
Nakit-an ini sang search helicopter makaligad nga nadula sa radar screens.
Sa statement sang Far Eastern Transport Prosecutor’s Office, nagtilaw pa kuntani ang eroplano nga maghugpa sa ikaduha nga tion matapos napaslawan sa una nga landing attempt.
Sang natabo ang pag-crash, 42 ang mga pasahero lakip ang lima ka kabataan, kag may anum naman ka crew.
Ang nakahatag sang kumpirmasyon nga napatay ang tanan nga sakayamo ang regional governor kag ang federal investigators. Pahayag pa sang mga imbestigador, nagbukas na sila sang criminal case sa suspected violation sang air traffic kag air transport rules.
Kun basehan ang Russian news agencies, nakapasar ang aircraft sa technical safety inspection, apang na-involve sa apat ka minor incidents halin sang 2018.
