MOSCOW– Nagpadala sang telegrama si Russian President Vladimir Putin kay U.S. President Donald Trump kag British Prime Minister Boris Johnson, sa diin ginsuhestyon sini nga liwat buhion ang ila nangin kooperasyon sadtong World War II, agud solbarun ang ginapangatubang subong nga problema.
Ang nasambit nga lihok ni Putin ang makabig nga ‘latest’, sa serye man sang iya pagpakig-angot sa Estados Unidos, agud liwat nga kaayuhon ang ila pagtamdanay matapos sang mga alegasyon sang hacking sadtong tion sang eleksyon, kag ang isyu nahanungod sa pungsod Syria.
Una na ginpahayag ni Putin kag Trump nga nagabuligay sila nga duha agud mahitso ang global oil production cuts deal.
Samtang, nagtanyag naman si Trump kay Putin sang bulig medikal, lakip na ang mga kagamitan sa pagpakigbato batok sa coronavirus disease 2019.
