Padayon ang Pilipinas sa pag-export sang raw sugar sa Estados Unidos sa ulihi nga bahin sini nga tuig agud ma-establisar ang presyo para sa mga domestic farmers antes ang ginapaabot nga pagdamo sang suplay sa tion sang lokal nga milling season sa Septyembre.
Ini ang ikaduha nga sunod-sunod nga tuig nga ang Pilipinas magapadala sang raw sugar sa US, samtang nagalaum ang mga regulators nga bukas ang merkado sang Amerika sa mga lokal nga producers.
Ang Sugar Regulatory Administration (SRA) nagpaguwa sang Sugar Order No. 5 nga nagadumala sa pagpadala sang 66,000 metric tons (MT) sang raw sugar sa merkado sang Estados Unidos.
Base sa mando, ang alokasyon sa export sang US magahalin sa lokal nga raw sugar nga ginbakal sang mga kwalipikado nga mga participants sa idalom sang voluntary purchase program nga gin-umpisahan sang SRA sang nagligad nga bulan.
