Ginalantaw nga possible sa prisohan magaselebrar sang Christmas ang pila ka mga opisyal may kahilabtanan sa flood control scam, suno kay kay Department of Public Works and Highways (DPWH) Sec. Vince Dizon.
Posible nga malakip diri sanday anay DPWH-Bulacan district engineers Henry Alcantara, Brice Hernandez kag Jaypee Mendoza, amo man ang contractor sang St. Timothy Corp. nga si Sarah Discaya.
Lakip sila sa una nga batch sang DPWH officials kag contractors nga ginreklamo sang ahensya para sa paglapas sa Anti-Graft and Corrupt Practices Act, Government Procurement Reform Act, kag malversation of public funds sa talatapan sang Ombudsman sang Setyembre.
