Posible nga magbag-o ang lineup sang Boston Celtics sa masunod nila nga hampang batok sa Dallas Mavericks bangud posible na nga makabalik ang superstar nga si Jayson Tatum.
Gin-upgrade si Tatum sa status nga “questionable” sa injury report matapos ang iya recovery halin sa nauna nga Achilles tendon injury.
Nagbalik na ini sa training halin sang Pebrero 9 kag aktibo na sa 5-on-5 scrimmages nga nagsugod sang All-Star break.
Suno sa iya teammate nga si Derrick White, maayo na ang kondisyon ni Tatum kag kaangay nga handa na ini nga maghampang.
Bisan wala si Tatum sa daku nga bahin sang season, yara gihapon sa ikaduha nga pwesto ang Celtics sa Eastern Conference.
Para naman sa Mavericks, nagbalik ang rookie nga si Cooper Flagg matapos ang wala ini makahampang bangud sa foot injury.
Apisar nga napierdi ang Dallas sa ila nagligad nga hampang batok sa Orlando, nagpakita naman ini sang maayo nga performance.
