Sa National Basketball Association, ginpangunahan ni Kevin Durant ang Houston Rockets sa paglutos sa Charlotte Hornets.
Ini matapos ang iya duha ka free throws sa nabilin nga 3.2 seconds para makumpleto sini ang 35 points.
Nagtakop ang hampang sa skor nga 105-101.
Samtang, ginpangunahan naman ni Grant Williams ang Hornets nga may ara sang 20 points.
Ang Hornets nga nagdaog sang 11 sa 12 sini nga hampang bag-o ang All Star break, nagpakita sang ila abilidad sa umpisa kag nakakuha sang 11 ka puntos nga abanse sa una nga bahin sang second quarter.
Naglagas naman ang Rockets sa ika-apat nga quarter sang ginhimo ni Alperen Sengun ang spinning reverse batok sa 7-foot center nga si Ryan Kalkbrenner kag ginsunod naman sini ang baby hook shot agud makuha sang Houston ang pinakadako nga abanse sa score.
