Asud-asud ang pagkontra sang pila ka opisyal sang gobyerno kag mga abogado sa pahayag ni Presidente Rodrigo Duterte nga magapadalagan siya sa pagka-bise presidente agud nga makaangkon siya sang legal immunity ukon makalikaw nga pasakaan sang kaso kun matapos na ang iya nga presidential term.
Suno kay former Senator kag incumbent Sorsogon Governor Francis “Chiz” Escudero nga isa man ka abogado, presidente lang ang may yara sang immunity from suit.
Santo sa 1987 constitution, indi immune from suit ang bise-presidente.
Ini nga statement ang kaangay man sa pahayag ni Albay 1st Dist. Rep. Edcel Lagman kag Former Supreme Court Public Information Office chief Theodore “Ted” Te.
Suno kay Te, by law ukon by tradition, indi immune from suit ang bisan sin-o man nga mangin bise-presidente.
