ILOILO CITY- Kon ang Pilipinas, may Toyang Ermitanya, ang iban nga pungsod may yara man sang ila.
Ini amo si Panta Petrović nga nagaistar sa kweba sa canyon sang Gradašnička river sa Serbia sa sulod na sang 16 ka tuig nga malayo sa moderno nga sibilisasyon kag kaupod niya ang mga kasapatan lakip na ang dako 200-kilogram nga baboy talunon nga ang pangalan amo si Mara.
May yara ini sang isa ka treehouse kag may balay man ini sa sulod sang kweba.
Nagapaligo siya sa suba kag nagatulog sa duta.
Suno kay Panta, sadto,antes siya nangin ermitanyo, manggaranon ini apang sang nagpamigado siya, nadula man ang mga abyan niya.
Bangod sini, nagdesisyon siya nga magkabuhi bilang isa ka ermitanyo.
Sa subong, may mga tawo nga nagabisita sa iya kag nagadala man sang supplies kag pagkaon para sa mga sapat kag para sa iya, ini na ang pinakamanami nga eksperyensa samtang nagakabuhi siya sa kalibutan.
