Nagkapan ang isa ka sakayan nga may sakay nga mga pasahero sa kadagatan nga sakop sang Concepcion, Iloilo.
Base sa impormasyon nga nakuha sang Bombo Radyo, halin sa mainland Concepcion ang sakayan kag padulong na sa isla sang Baliguian.
Pag-abot sa porsyon nga sakop sang Botlog kag Malangabang Island, ginhampak ini sang dalagko nga balod nga rason nga nagkapan.
Karga sang sakayan ang kapin 10 ka pasahero kag may bata pa nga sakay.
Nagkalaanod naman ang mga ginkompra nga mga baligya sang mga pasahero.
Maswerte naman nga may naglabay nga isa ka sakayan kag nahingagaw nga masalbar ang mga biktima.
