Wala sang kanselasyon sa byahe sang mga sakayang pandagat nga may ruta Iloilo City – Bacolod City and vice versa.
Sa exclusive interview sang Bombo Radyo kay Commander Edison Diaz, Chief sang Philippine Coast Guard – Iloilo, iya ginpahayag nga padayon sila nga naga-monitor sa lakat sang panahon sa diin nagapatigayon na sila sang patrolya sa mga baybayon agud masiguro ang seguridad sang tanan kasunod sang mabaskog nga mga pagbalod.
Suno kay Diaz, hugot nila nga ginapahanumdom sa tanan nga mga manugpangisda kag may magagmay nga sakayang pandagat nga likawan anay ang paglayag bangud sa malain nga tyempo.
