Sala nga mga pangalan kag figures ukon discrepancies ang ginatudlo ginatunaan sang pagka-delay sang tagtaganay sang Assistance for Individuals in Crisis Situation (AICS) sang Department of Social Welfare and Development (DSWD).
Sa interview sang Bombo Radyo kay Teresa Gelogo, head sang City Social Welfare and Development Office (CSWDO), iya ginpahayag nga dire-diretso kag madasig malang kuntani ang proseso sang tagtaganay sang cash-aid kun wala na sang makita nga sala halin sa masterlist ukon mga lista sang pangalan sang beneficiaries.
Suno kay Gelogo, halin sa kada barangay nga amo ang nagapasa sang natumod nga beneficiaries, i-double check pa ini sa CSWDO, papirmahan sa alkalde sang syudad, ipa-clear ang payroll sa accounting kag ipapanaog sa finance department agud nga matsikyar ang tanan kag masigurado nga kompleto agud mabasehan sang treasurer’s office.
Pahayag sang natungdan, mai-id ang trabaho sang finance department bangud dira na tanan ginaliwat ang mga rekisitos kun may nakitaan nga discrepancies nga amo ang ginapatihan ginatunaan sang pagka-delay sang proseso kag pag-release sang pondo.
