ILOILO CITY – Maswerte nga wala sang may napilasan matapos nga nagdiretso ang isa ka salakyan sa isa ka kalan-an sa Delgado St., Iloilo City Proper.
Sa interview sang Bombo Radyo kay Delia Panes, 59, apat na ka tuig nga driver sang salakyan, iya ginpahayag nga mabakal kuntani sila sang groceries sang iya utod apang wala sang parking area gani, nagdesisyon sila nga indi na kuntani magpadayon.
Apang suno sa driver, ginpamilit sang barker nga may yara pa sang available nga parking area kag ginpa-abante pa ang salakyan.
Didto na kag wala nakontrol sang driver ang salakyan kag nagdiretso sa sulod sang kalan-an bangud sa baylo nga preno, ang accelerator ang natapakan sang driver.
Bangud sini, guba ang crystal nga dingding sang kalan-an kag may gasgas nga naagum ang salakyan.
