Iloilo – Nagdululom ang dalan sa railway road sa Barangay Ungka, Jaro, Iloilo City bangud ginapahayag nagapinagusto lang ang mga truck kag mga salakyan sa pag-agi sa amo nga dalan apisar lagpas sa maximum height requirement.
Sa interview sang Bombo Radyo kay Punong Barangay Rodel Mamon, iya ginpahayag nga apisar may mga na-deploy na nga mga barangay tanod, may mga nagalusot gihapon nga mataas nga salakyan nga nagresulta sa pagkasalawid sa mga wiring sang streetlights.
Pati ang wire sa internet sang mga pumuluyo ang nagkalabugto naman suno sa punong barangay.
Matandaan nga sang Pebrero 3, may ara sang 10-wheeler truck nga nagbulasot sa steel plate sa lugar rason nga nagkaula ang 100 litros nga krudo nga nagtuga sang halit sa mga motorista.
Sa railway road na nagaagi ang mga motorista suno kay Mamon bangud sa Ungka Flyover, wala sang signages nga amo ang rason sang disgrasya ilabi na sa kagab-ihon.
