Patay ang walo ka mga tawo kag pilason ang apat ka iban pa matapos nawad-an sang preno ang isa ka 4×4 off-road vehicle sa Sitio Tumampon, Barangay Tiguib, Ayungon, Negros Oriental kahapon sang aga, Disyembre 13.
Lunsay na-identify na ang mga napatay kag kumpirmado nga lakip sa ila amo ang senior citizens.
Anum sa mga biktima ang dead on the spot, samtang napatay naman ang duha samtang yara sa ospital.
Apat ang nakaluwas sa insidente nga nakaangkon sang samad sa lawas lakip ang 13-anyos kag nueve-anyos nga bata kag ang driver.
Sandig sa imbestigasyon sang Negros Oriental Police Provincial Office, suno man sa panaysayon sang driver, nagalabay ini sa dulhugon nga bahin sang highway sang gulpi lang nawad-an sang preno. Nag-diretso ang salakyan sa mabato nga bakante nga lote kag nagbaliskad.
Ginpahayag nga pakadto kuntani ang grupo sa isa ka patyo para sa death anniversary sang ila nga himata.
Nagapadayon pa ang imbestigasyon sa amo nga road crash.#
Photo: Romeo Subado/FB
