ILOILO CITY- Ano ka baskog ang imo nga memorya?
Sarang mo bala nga madumduman ang isa ka impormasyon sa sulod lang sang pila ka segundo?
Didto sa Japan may yara sang isa ka lalaki nga tuman ka tanda ang memorya.
Ang lalaki gin kilala nga si Yusuke Taniguchi sang Koto City, Tokyo, Japan kag isa ka store clerk.
Si Taniguchi ang may yara sang tuman ka tanda nga photographic memory ukon ang ginatawag nga eidetic memory bangud sarang niya nga madumduman ang mga impormasyon sa credit card kaangay sang 16-digit-number, holder’s name, expiry date kag security code sang linibo niya ka mga customer sa sulod lang sang pila ka segundo.
Apang, natukiban sang otoridad ang iya modus kag gin- aresto si Taniguchi bangud sa mga ilegal niya nga transakyon gamit ang mga credit cards sang iya nga mga costumers nga gin- gamit niya pangbayad sa iya mga ginpangbakal online.
Nakuha kay Taniguchi ang isa ka notebook nga may yara sang linibo ka mga ngalan kag credit card numbers sang iya mga costumers nga nakuha niya paagi sa iya matalom nga memorya.
