Daku nga bulig para sa industriya sang asin sa Pilipinas ang pagpasar sang Kamara sa proposed Philippine Salt Industry Development Act.
Suno kay Philippine Association of Salt Industry Networks President Gerard Khonghun, tatlo ka dekada na nga napun-an sang kabudlay ang local salt industry sa pungsod.
Ginalauman man nga mangin bastante na liwat ang suplay sini sa Pilipinas kag indi na magsalig ang pungsod sa imported.
Antes ginpasar ang hagna, may forecast nga sa 2030, ang tuigan nga importasyon ang magadangat sa 1.3 million tonelada nga balor P6 billion.
Apang sa idalum sang House Bill 8278 ukon Philippine Salt Industry Development Act, ang asin ang himuon na nga priority commodity kag iga-produce sa napili nga mga areas ukon rehiyon.
May tukuron man nga council nga amo ang magadumala sa modernization roadmap para sa sini nga industriya.
Ginpasar sa Kamara ang amo nga hagna nga may 287 yes votes kag wala sang no vote.
Ini nga hagna ang isa sa priority bills ni President Ferdinand Marcos, Jr. sa idalom sang Legislative Executive Development Advisory Council. #
