Ginsapubliko ni Sam Milby nga na-diagnose siya nga may latent autoimmune diabetes in adults (LADA) ukon Type 1.5 diabetes.
Suno kay Sam, nahibaluan niya ang iya kondisyon kasunod sang general check-up sa Singapore.
Base sa Mayo Clinic, ang LADA amo ang sahi sang diabetes nga naga-umpisa sa adulthood kag nagalala samtang nagadugay.
Kaangay sa type 1 diabetes, nagakatabo ang LADA kun mag-untat na ang pancreas sa paghimo sang insulin bangud sang autoimmune process nga naga-damage sang cells sa pancreas.
Apang indi kaangay sa type 1 diabetes, sa LADA, mahinay lamang ini rason nga indi kinahanglan nga mag-insulin gid gilayon ang pasyente.
“It’s bad. Type 1 is the worst. Tito Gary [Valenciano] has Type 1. It means that your pancreas does not produce insulin at all. So I may have to start insulin shots eventually. Ganun talaga,” suno sa aktor.
Pahayag pa sang aktor, pareho nga may diabetes ang iya iloy kag amay.
Ginsiling sini nga ginatinguhaan niya nga mangin mas aktibo ilabi na sa pag-exercise.
“I am trying to be more physically active. During the pandemic, hindi masyado, e. I would do some push-ups and sit-ups pero cardio kulang. Hindi ako mahilig sa treadmill, e,” pahayag pa sini.
“Well, I do pickleball now. I’ve been playing pickleball on and off for two years. That’s my cardio. Sometimes I run,” dugang niya. “Also, eating habits—I’m pretty strict on my diet. The one thing that helps also is shiratake rice and shiratake pasta, okay siya, masarap siya. That’s a big help.”
Parte subong si Sam sang upcoming Prime Video series nga ‘The Alibi’ kaupod si Kim Chiu kag Paulo Avelino.
 ukon Type 1.5 diabetes.){kind=link}