MANILA – Wala nagadali nga magpakasal ang aktor nga si Sam Milby sa kahagugma nga si Miss Universe 2018 Catriona Gray.
Suno kay Sam, indi pa subong ang tion agud nga mag-settle down sila ni Catriona ilabi pa nga 10 ka tuig ang ila nga age gap.
Ginpahayag ni Sam nga sa edad nga 26 anyos, naga-umpisa pa lang sa showbiz career si Catriona kag kun sila ang gintagna sa isa kag isa, sila gid ang magadayunay sa ulihi.
Nahibalu-an nga nangin sentro sang kontrobersiya ang Miss Universe 2018 matapos ang break-up sa anay nobyo nga si Clint Bondad nga nag-post sang cryptic message sa social media kasunod sang kumpirmasyon nga mag-on na sanday Cartiona kag Sam.
