ILOILO CITY – Ginpasalamatan sang Samahang Basketbol ng Pilipinas si President Ferdinand “Bongbong” Marcos Jr. sa pagpirma sang layi nga naga-grant sang naturalization sa American player nga si Justin Brownlee.
Sa ginpagwa nga statement, ginpahayag ni Samahang Basketbol ng Pilipinas president Al Panlilio nga ang naturalization kay Brownlee ang isa ka welcome development para sa national basketball team bilang pagpanghanda para sa sixth window sang FIBA World Cup Asian Qualifiers sa masunod nga bulan.
Bangud sa naturalization, mahimo na nga mangin kabahin si Brownlee sang Gilas lineup para sa prestihiyoso nga tournament.
Nagpasalamat man ang asosasyon sa mga tawo nga yara sa likod sang sini nga development.
Magluwas sa sixth window sang FIBA World Cup Asian Qualifiers, mahimo man nga maghampang si Brownlee sa pila ka regional tournaments kaangay sang 2023 Southeast Asian Games sa Phnom Penh, Cambodia sa Mayo.
