Nagpakasal na ang beauty queen nga si Samantha Bernardo sa iya longtime boyfriend nga si Scott Moore.
Nagbayluhanay ang magkahagugma sang “I do’s” sa isa ka beach wedding ceremony sa Cebu City subong nga Byernes, Abril 12. Nakit-an naman sa pila ka mga laragway nga whimsical forest ang theme para sa reception.
Kilala si Bernardo bilang Binibining Pilipinas second runner-up sang 2018 kag 2019, kag na-appoint nga magtiglawas sa Pilipinas sa Miss Grand International 2020 kun sa diin nagtapos ini bilang first runner-up.
Pagkatapos sang pageant, nagpadayon ini sa showbiz industry kag nag-co-host man sa pila ka shows.
Gin-anunsyo nila sang iya non-showbiz boyfriend ang ila nga engagement sang Valentine’s Week sa Japan sang nagligad nga tuig.
