Gintalana na sa Abril 20 subong nga tuig ang petsa sang liwat nga pagsaka sa ring sang Filipino boxing legend nga si Manny “Pacman” Pacquiao.
Atubangon sang 45-anyos nga eight-division world champion ang 41-anyos nga Muay Thai superstar nga si Buakaw Banchamek sa amo nga exhibition match nga ginatawag nga “The Match of Legends”.
Suno sa event organizers, may pondo ang boxing event nga nagadangat sa $25 million ukon P1.36 billion.
Ang hampang ang pagabug-usan sang anum ka tag-tres minutos nga round, may duha ka minutos nga breaks, kag magasunod sa boxing rules.
Si Pacquaio ang may yara sang professional record nga 62 wins lakip na ang 39 knockouts, walo ka kalutusan kag duha ka draws.
Magluwas sa hampang kay Buakaw, una na nga gin-anunsyo sang Pinoy ring icon ang iya natalana nga rematch sa undefeated boxer nga si Floyd Mayweather subong nga tuig.
Retirado na si Pacquiao sa boksing apang ulihi ini nga nakahampang sa exhibition bout sang Disyembre 2022 sang ginlutos sini ang South Korean mixed martial artist nga si DK Yoo.
