Natigayon na nga mapasaka ni Buenavista, Guimaras Sanguniang Bayan Member Vincent De Asis ang complaints sa Office of the Ombudsman batok sa ila alkalde nga si Mayor Samuel Gumarin.
Lakip sa ginpasakaan sang natungdan sang kaso nga Grave Abuse of Authority, Grave Misconduct kag Conduct Prejudicial to the Best Interest in the Service amo sanday:
Vice Mayor Cyril Beltran
SB Arthur Cartel Jr.
SB Valentine Talabero
SB Edgar Gallo
SB Rubin Magno
SB Rex Fernandez
ABC President Rommel Infante
SK Federation President Dave Van Bartolome
Sa interview sang Bombo Radyo kay SB Member De Asis, iya ginpahayag nga kinahanglan nga mapasabat ang Local Government Unit (LGU) sang Buenavista ang pagbakal sang 2nd hand nga 20,000 liters water tanker truck nga nagabalor sang P2.5 million apisar nga wala na sang El Niño.
Pebrero 15, 2025 sang nabaton sini ang order sang Office of the Ombudsman nga sa sulod sang pulo ka adlaw, gina-recquire ang mga respondents nga magpasa sang ila nga counter affidavit.
Nakit-an man sang amo nga talatapan nga ang complaints ang may grounds batok kay Gumarin, Vice Mayor Beltran, kag pila ka Sangguniang Bayan Members sang Buenavista, Guimaras.
Gintuad man ni De Asis nga wala na sang rason kontani agud nga magkuha sang dugang nga water tanker bangud nga may yara naman sang water tanker ang ila nga banwa.
Nagapati man si De Asis nga may kakulangan ang pagdumala sang alkalde bangud wala ini nag-agi na insakto nga proseso ilabi na ang paggamit sang calamity fund.
