Gina-imbitar gid sang local government unit sang San Dionisio, Iloilo ang mga pumuluyo sa 29 ka mga barangay sa nasambit nga banwa nga magdonar sang dugo sa Pebrero 25.
Ang blood letting activity ang updan sang Dugong Bombo sang Bombo Radyo Philippines kag Philippine Red Cross.
Sa interview sang Bombo Radyo kay Edna Gregorio, blood coordinator, iya ginpahayag nga maga-umpisa ang blood letting activity las 8:00 sa aga sa Civic Center sang banwa.
Suno kay Gregorio, imbitado man ang mga bikers association kag municipal employees nga magdonar sang dugo.
Ang kada barangay ang ginapadal-an man sang imbitasyon nga magpartisipar sa blood letting activity agud indi mabudlayan ang pumuluyo kun kinahanglan sini ang dugo.
Ginalauman sang San Dionisio – LGU nga 100 ukon masobra pa ka mga sucessful blood donors ang magapartisipar sa sini nga aktibidad.
Dugang pa sang natungdan, nakahanda na ang mga safety protocols sa diin sa entrance, may yara sang handwashing area, may alcohol kag ginapasiguro man nga ang social distancing ang masunod lakip na ang pagsuksok sang face mask.
