ILOILO CITY – Padayon pa nga gina-imbestigaran sang San Dionisio Municipal Police Station ang kamatayon sang isa ka solterito sa Sitio Canipaan, Barangay Bagacay, San Dionisio, Iloilo.
Ang biktima ang ginkilala kay John Christopher Billones, 19, residente sang nasambit nga lugar.
Sa interview sang Bombo Radyo kay Police Captain Soviet Torre, hepe sang San Dionisio Municipal Police Station, iya ginpahayag nga nakapa-uli pa sa ila balay ang solterito las-nueve sang gab-i sang Byernes.
Sang nakit-an ang iya bangkay 30 metros halin sa ila balay, wala sang may nakit-an nga pilas ukon lagub.
Suno kay Torre, wala ginadula ang posibilidad nga may kaangtanan sa ikaayong lawas sini ang kamatayon sang biktima.
Sa subong, ginahulat pa ang resulta sang autopsy sa bangkay sang solterito.
