PROVINCE OF ILOILO -Naelihir bilang presidente sang League of Municipalities of the Philippines- Iloilo Chapter si Mayor Trixie Fernandez sang San Enrique, Iloilo.
Ginpierde ni Mayor Fernandez si Mayor Jett Rojas sang Ajuy, Iloilo para sa nasambit nga posisyon.
Nakakuha si Fernandez sang 20 ka boto samtang 18 naman ka boto ang nakuha ni Rojas gikan sa mga kaangay nga alkalde sa bilog nga probinsiya sa ginpatigayon nga eleksyon sa Casa Real, Iloilo City.
Samtang napilian naman si Mayor Rojas bilang Vice-President; Mayor Calay Alonsabe sang Alimodian bilang Secretary General; Mayor Lee Ann Debuque sang Anilao bilang Treasurer; Mayor Francis Amboy sang Maasin bilang Auditor; Mayor Manuel Ganzon sang Balasan bilang Business Manager; Mayor James Esmeralda sang Igbaras bilang Public Relations Officer; Board of Directors naman sanday Mayor Carina Flores sang Oton kag Mayor Macario Napulan sang Miag-ao sa First District; Mayor Luigi Gorriceta sang Pavia kag Mayor John Tarrosa sang Zarraga sa Second District; Mayor Mark Palabrica sang Bingawan sa Third District; Mayor Ronaldo Golez sang Dumangas sa Fourth District; kag Mayor Bong-bong Tupas sang Barotac Viejo kag Mayor John Ayeng sang Sara sa Fifth District.
Sa interview sang Bombo Radyo Iloilo kay Mayor Fernandez, bilang presidente sang League of Municipalities of the Philippines- Iloilo Chapter, iya ginpasiguro ang bug-os nga pagsuporta sa liderato ni Iloilo Governor Arthur Defensor Jr.
Ginpasalig man niya ang isa ka aktibo kag masaligan nga League of Municipalities of the Philippines- Iloilo Chapter.
