Wala pa sang nabaton nga pormal nga reklamo ang San Joaquin Municipal Police Station kaangot sa ginaalegar nga natabo nga baklanay sang boto sa banwa.
Ini kasunod sang picture nga ginpadala sa Bombo Radyo kun sa diin may yara sang mini fan, may tumbler, kag listahan sang pangalan sang mga kandidato.
Sa interview sang Bombo Radyo kay Police Captain Christler John Ledesma, hepe sang San Joaquin Municipal Police Station, iya ginpahayag nga wala sang na-file nga blotter report ang sin-o man nga indibidwal ukon grupo.
Apang suno kay Ledesma, may intelligence officer naman nga amo ang naga-imbestigar sa nagalapta nga mga laragway subong sa social media.
Gin-athag ni Ledesma nga bukas ang ila talatapan amo man ang Commission on Elections (Comelec) sa munisipalidad pananglitan may yara sang gusto mag-reklamo.
Nahibaluan nga santo sa Resolution 11104 sang Comelec Kontra Bigay Committee, partikular sa Section 24, nakaplastar nga ang vote-buying kag vote-selling amo ang akto sang paghatag, pagtanyag, kag pag-promisa sang anuman nga may balor kabaylo sang boto para sa kandidato.
