ILOILO CITY-Wala nagapabaya ang opisyales kag pumuluyo sang San Juan, Molo, Iloilo City agud batuan ang pagduging sang dengue hemorrhagic fever sa ila lugar.
Sa interview sang Bombo Radyo kay Punong barangay Pascual Espinosa IV sang San Juan, Molo, iya ginpahayag nga nalakip ang ila lugar sa may pinakamataas nga numero sang kaso sang dengue sa syudad kag indi na nila luyag madugangan ukon may mapatay bangud sa balatian.
Suno kay Espinosa, regular ang ila pagpatigayon sang clean-up drive agud mamintinar ang kalimpyo kag agud wala sang maistaran kag maitlugan ang mga lamok.
Ginpahayag sang opisyal nga aktibo man ang committee on health sang ila barangay council sa pagpangita sang mga pamaagi agud batuan ang makamamatay nga dengue.
