ILOILO CITY- Naglab-ot sa 200 ang mga senior citizens sa Brgy. San Juan, Molo, Iloilo nga na-account para sa house to house vaccine roll-out sang Iloilo City Government.
Sa interview sang Bombo Radyo kay Punong Brgy. Pascual “Sipil” Espinosa, iya ginpahayag nga sa nasambit nga numero, may yara sang bedridden kag may iban man nga nabudlayan na maghulag ukon maglakat.
Suno kay Espinosa, sa subong wala pa siya sang ihibalo kon pila ang gin- allocate nga COVID-19 doses para sa ila nga barangay kag kon ano nga petsa patigayunon ang house to house vaccination.
Matandaan nga ginsuguran sa Calumpang, Molo, Iloilo City ang barangay-based vaccination sang nagligad nga Biyernes, Hulyo 9.
