Gin-acquit sang Sandiganbayan si anay PNP chief Alan Purisima kag 16 pa ka akusado may kaangtanan sa ginadudahan nga indi regular nga kontrata sang PNP sa Werfast Documentary Agency, Inc. sang tuig2011.
Sa desisyon sang Sixth Division sang korte, ginpahayag nga wala napamatud-an sang prosekusyon ang sala sang mga akusado kun sa diin ginpahayag nga “beyond reasonable doubt” ini.
Sa madumduman nga si Purisima gin-akusaran sang paglapas sa Anti-Graft and Corrupt Practices Act matapos ini nagperma sang memorandum of agreement sa Werfast para sa computerized firearms license renewal system.
Suno sa prosekusyon, wala ini nag-agi sa public bidding, kag indi man kwalipikado ang Werfast bilang courier firm, bangud wala ini sang SEC registration kag permiso halin sa Department of Transportation and Communications.
Gin-analisar man sang korte ang hold departure orders batok sa mga akusado kag ginmanduan ang Bureau of Immigration nga kuhaon na ang ila mga ngalan sa watchlist.
