ILOILO CITY- Ginaduso sang mga katapo sang Sangguniang Panlalawigan ang pagbalik sang border checkpoints, sa mga kabanwahanan sa Probinsya sang Iloilo.
Sa interview sang Bombo Radyo kay Committee Chairman on Public Order and Security, kag 2nd District Board Member Jun Mondejar, iya ginpahayag nga kinahanglanon sa gihgapon ang checkpoints sa Probinsya
Suno kay Mondejar, aprobahan nila ang resolusyon kag ipadala sa Police Regional Office 6 nga nagasaad sang tinutuyo nga ibalik ang checkpoint sa entry, kag exit points sang tagsa ka mga kabanwahanan.
Pahayag pa ni Mondejar, nagakadapat nga indi magkampante ang probinsya bangud kinahanglanon ang mapadayun ang monitoring agud indi na madugangan pa ang kaso sang COVID-19 sa Probinsya sang Iloilo.
Nahibaluan nga ginpalab-ot man ni Iloilo 1st District Board Member Marcelo ‘Valentin’Serag sa Sangguniang Panlalawigan ang iya naobserbahan sa tagsa ka banwa sa diin, wala na sang mga pulis nga nagaduty sa boarder checkpoints.
