ILOILO – Nagakaalarma ang Sangguniang Panlalawigan sa Iloilo Provincial Government sa nagataas nga kaso sang suicide sa probinsya sang Iloilo.
Suno kay Iloilo 3rd District Board Member Matt Palabrica, kinahanglan sang madasig nga lihok agud nga ma solusyonan ang pagtaas sang mental illness kag sucide sa mga kabataan.
Kabug-osan nga 179 suicide cases naga edad siyam tubtob 21 anyos ang na rekord sang Iloilo Police Provincial Office humalin sang 2016 tubtob Hunyo 2019.
Dugang pa sang board member, ang mayor nga rason sa pag suicide sang mga pamatan-on ang bangud sa problema sa pamilya kag ginasundan sang love life kag problema sa eskwelahan.
Sang 2016, nagapanguna ang banwa sang Leon, Iloilo nga may lima ka kaso sang sucide kag apat sa Labunao.
Apang humalin sang 2018 tubtob Hunyo 2019, nagdangat sa 100 ka mga suicide ang na rekord sa diin may siyam sa Leon, Cabatuan kag Passi City nga may tag-anum, Badiangan nga may lima kag limodian, Anilao, Dingle, Igbaras, Lambunao, Miag-ao, kag San Joaquin nga may tag-apat.
