ILOILO – Nagpasar sang resolusyon ang Sangguniang Panlalawigan agud hingyuon sa Department of Transportation nga amyendaran ang memorandum tuhoy sa numero sang pasahero nga mahimo makasakay sa tricycle.
Sa interview sang Bombo Radyo kay Philippine Councilors League Iloilo President Ramon Sullano, chairman sang Committee on Transportation sa Sangguniang Panlalawigan, iya ginpahayag nga kun tani, paboran sang Department of Transportation ang ila hingyo nga pahanugutan ang tatlo ka pasahero nga makasakay sa tricycle.
Suno kay Sullano nga ang ginbasehan sang nasambit nga ahensya sang gobyerno sa pagbalay sang memorandum amo ang tricycle sa Metro Manila nga wala sang pulungku-an sa likod nga bahin.
Kun lantawon naman ang mga tricycle sa Iloilo suno sa natungdan, may yara sang pulungku-an sa likod rason nga mahimo nga makasakay ang tatlo ka pasahero apisar nga may yara sang ginapatuman nga physical distancing.
