Ginaplano sang Sangguniang Panlalawigan sang Iloilo nga ipahibalo sa Senado nga may naga-eksister na nga daan nga provincial ordinance nga nakapangalan sa General Martin Delgado Avenue ang Bangga Dama, Sta., Barbara to San Jose, San Miguel.
Ini kasunod man sang pagduso ni Iloilo 2nd District Representative Mike Gorriceta nga ipangalan sa iya amay ang nasambit nga dalan.
Sa interview sang Bombo Radyo kay Atty. Larry Pestaño, Representative sang office of the Congressman Michael Gorriceta, iya ginpahayag nga ang tikang ang sa idalom sang House Bill 10891 nga nagapangalan sa mga nasambit nga dalan bilang Arcadio H. Gorriceta Avenue.
Suno kay Pestaño, may yara na sang naga-eksister nga Provincial Ordinance No. 2016-126 ukon “An Ordinance Naming the Provincial Road From Junction Senator Benigno S. Aquino Jr. Avenue at Bangga Dama, Población, Santa Barbara to Junction National Road in Brgy. San Jose, San Miguel as the General Martin T. Delgado Avenue.
Luyag man sang natungdan nga maathagan sa mangin proseso samtang yara ang hagna sa Senate Committee level.
Nagalaum man si Pestaño nga mahatagan igtalupangod sang senado ang tikang nga ginaduso nga mangin kahigayonan man agud hatagan sang pagkilala ang nangin kontribusyon ang nangin serbisyo ni Former Rep. Arcadio H. Gorriceta.
