ILOILO CITY– Ginrekomenda sang pila ka miyembro sang Sangguniang Panlungsod nga ipasa sa Committee on rules and legal matters ang pagpasabat sang Office of the Philippine President sa mga opisyal nga nag boycott sa session sang gin istoryahan ang pagdeklarar state of calamity sa Syudad sang Iloilo bangud sa water crisis.
Santo sa ginpagwa nga nga order nga ginpirmahan ni Deputy Executive Secretary for Legal Affairs Ryan Alvin Acosta, ginamanduan ang pila ka mga myembro sang Iloilo City Council nga magpa sang ila verified answer sa sulod sang 15 ka adlaw humalin sang nabaton nila ang dokumento.
Ang nga ginapasabat nga mga konsehal amo sanday Councilors Lady Julie Grace Baronda, Jay Trenas, Liga ng mga Barangay President Irenee Ong, Sangguniang Kabataan (SK) Federation President Leila Luntao, Ely Estante kag Vice Governor Jeffrey Ganzon.
Nagserbe naman nga complainant amo sanday anay Councilor Plaridel Nava kag Joshua Alim.
Sa ginpatigayun nga sesyon gintinguhaan kuntani nga talakayon ang nasambit nga complaint letter apang nangin mainit ang diskusyon bangud pila sa ila ang nagrekomenda nga ipasa ini sa Committee on Rules.
Ginpahayag ni Vice Mayor Ganzon nga dapat ipasa sa nasambit nga komitiba ang sulat nagikan sa opisina sang Presidente bangud indi ini dapat istoryahan sa sesyon sang Iloilo City Council bangud para ini sa mga natungdan nga mga ginareklamo.
Samtang ginpahag naman ni Baronda nga indi siya sigurado kun mahimo ini marefer sa committee on rules bangud ang nasambit nga sulat ang personal nga gin adress sa ila kag indi sa Iloilo City Council.
Ginpahayag naman ni Councilor Estante nga dapat ini nga i-note apisar wala nadala sa agenda kag kun gin-aprubahan sang City Council nagakadapat nga ini ang diskusyunan bangud ini ang nasanto sa internal rules.
Suno naman kay City Councilor Mandre Malabor kun wala na address sa Iloilo City Council ang nasambit nga sulat, indi na ini kinahanglan nga diskusyunan pa sa sesyon bangud sa iya pag-intindi pagasabton ini santo sa personal capacity sang mga natungan kag wala man sang may ginahingyo ang opisina sang Presidente nga mga tikang nga dapat himuon sang konseho.
