ILOILO – Hingagawon sang Sanguniang Panlalawigan nga malab-ot ang 156 session bag-o magbulos ang bag-o nga set sang elected officials sa Hulyo 1, 2019.
Sa interview sang Bombo Radyo kay Vice Governor Christine Garin, iya ginpahayag nga siyam pa ka session ang dapat nga matigayon bag-o matapos ang termino sang daan nga set sang elected officials.
Sa nagahilapit nga pagtapos sang termino sang daan nga set sang elected officials, ginpahayag ni Garin nga ila tinguhaan nga mapasar ang 2019 budget sang probinsya sang Iloilo, madeklarar ang State of Calamity kag maaprobahan ang salary increase sang mga empleyado sang Iloilo Provincial Capitol.
Sa bahin sang 2019 budget sang probinsya sang Iloilo, ginpahayag ni Garin nga ginahulat na lang ang pagpasa sang mga department heads nga wala pa nakapasa sang utilization report sa Committree on Appropriations nga ginapamunu-an ni Liga ng mga Barangay President Dorothy Paes.
Sa bahin naman sang pagdeklarar sang State of Calamity, ginpahayag ni Garin nga nakadepende ini sa pagtuon sa ‘mitigating measures’ sang Committee on Disaster Risk Reduction Management nga ginapamunu-an ni 1st District Board Member Marcelo Valentin Serag.
Kun sa bahin naman sang salary increase, ginpahayag sang bise gobernador nga kun maaprobahan na ang 2019 budget, mabaton sang bilog sang mga empleyado ang ila salary increase nga wala nahatag sa sulod sang pila ka bulan.
Yari ang pahayag ni Garin tuhoy sa paghingagaw sa pagtapos sang siyam ka mga nabilin nga session:
Yari naman ang pahayag ni Garin tuhoy sa 2019 budget sang probinsya sang Iloilo:
Yari naman ang pahayag ni Garin tuhoy sa pagdeklarar sang State of Calamity sa probinsya sang Iloilo:
Samtang, may pahayag man ni Garin tuhoy sa salary increase sang mga empleyado:
