Naglab-ot lamang sa 11 sa 1,052 ka mga housing units para sa mga uniformed personnel ang okupado sa Brgy. Santa Cruz, Barotac Nuevo, Iloilo.
Sa interview sang Bombo Radyo kay 4th District Board Member Dominggo Oso Jr., iya ginpahayag nga nagpatigayon sila sang inspection sa housing project para sa mga katapos sang Armed Forces of the Philippines (AFP) kag Philippine National Police (PNP).
Tungud sini, nagpasar sang resolution ang Sangguniang Panlalawigan nga ihatag na lang ang nabilin nga mga balay sa mga empleyado sang gobyerno nga handa nga magbayad para may yara sila sang maestaran.
Ginalauman man ni Oso nga magapasar man sang resolution si Senator JV Ejercito sa senado matapos nga nakabisita man siya sa lugar.
Itugyan naman ni Oso sa National Housing Authority ang mga proseso nga kinahanglanon nga dapat ipasa sang mga empleyado sang gobyerno nga maluyag magkuha sang housing unit.