USA – Bangud nga kulang-kulang sa tatlo ka bulan kag Christmas day na, indi gid madula si Santa Claus sa mga party kag iban pa nga mga aktibidad.
Apang, nakahibalo ka bala nga sa Colorado sa Estados Undios, ang mga ‘santa claus’ ang nagapaidalom sa pagtu-on agud mangin professional santa claus.
Sa Santa University, ginatun-an kun paano mag-pose para sa picture, paano magdeal sa social media, paano magsabak sang bata, ano ang pagahimuon kun magpangayo ang bata sang regalo nga daw imposible kag kun paano mapabilin nga mangin healthy kag hydrated sa tion sang Christmas day.
Ang four-day training program ang ginapatigayon sa ‘Noerr Pole’ ang corporate office sang Noerr Programs sa Colorado.
Suno kay Ruth Rosenquist, public relations director sang Noerr, ang nasambit nga kompaniya ang isa ka digital event imaging provider nga naga-recruit kag naga-train sang kaugalingon nga 70-member Santa Claus team.
Ginpahayag naman ni Wade Burleigh, nagatrabaho bilang professional santa, katuyu-an sang pagtukod sang Santa University amu ang paghatag sang magical experience sa mga bata.
Magluwas diri, ginpahayag ni Burleigh nga ginatudlu-an ang mga Santa kun paano mangin realistic bilang tawo samtang ginatungdan ang trabaho sang isa ka Santa Claus santo sa perception sang kabataan.
