ILOILO CITY – Nagpalab-ot sang bulig si Pope Francis sa pamilya sang mga na-missing nga seafarers nga sakay sang naglugdang nga Gulf Livestock 1 sa Japan bangud sa Typhoon Maysak.
Nahibaluan nga sa 43 ka mga crew sang barko, 39 ang mga Pinoy sa diin isa ang nakaluwas, isa ang patay kag 37 ang missing.
Lakip sa mga Ilonggo na-missing amo sanday:
Richard Garvilles sang Lubacan, Iloilo.
Miguel Tamonan sang Agdao, Tubungan, Iloilo
Leonido Turija, Jr. sang Cagbang, Oton, Iloilo
Jay Pilota sang Tabucan, Cabatuan, Iloilo
Romil Pelenia sang Palanguia, Pototan, Iloilo
Juluis Sañonte sang Alegre, Oton, Iloilo
Hulk Darwin Alcazar sang Deca Homes, Pavia, Iloilo
Mark Glenn Suñer sang Taft St., Zone 6, Barangay Poblacion, Sta. Barbara, Iloilo
Mario Gallardo sang Lacson Subdivison, Barangay Malunang, Zarraga, Iloilo
Sa exclusive interview sang Bombo Radyo Iloilo kay Rev. Fr. Arvin Largado, Director sang Archdiocesan Commission on Migrants and Apostleship of the Sea sang Archdiocese of Jaro, iya ginpahayag nga P30,000 ang nabaton sang pamilya kag may token pa halin sa Santo Papa.
Suno kay Largado, mismo ang mga pari sa Vatican ang nagbuligay agud mahatagan sang cash assistance ang pamilya sang mga pinoy seafarers nga dako nga bulig ilabi na subong nga may pandemya.
