Santo Papa nagmandu nga buhinan ang sweldo sang cardinals, pari agud salbaron ang trabaho sang mga empleyado sa tunga sang pandemya

Gin-anunsyar ni Pope Francis ang plano nga buhinan ang sweldo sang mga cardinal kag pari.

Ini ang kabahin sang padayon nga pagpanikasog sang Santo Papa agud nga ibutang sa insakto ang finances sang Holy See kag makakinot.

Ang Holy See amo ang pangalan nga ginhatag sa gobyerno sang Roman Church Catholic nga ginapamunuan sang Santo Papa bilang obispo sang Roma.

Sa Abril 1 mangin epektibo ang pagbuhin sang 10 percent sa mga sweldo sang Cardinals samtang 3 percent naman ang buhin sa paycheck sang mga kaparian.

Ang mga sweldo naman sang department heads kag secretaries sang dicasteries ang buhinan sang 8 percent.

Katuyuan sang pagbuhin sang mga sweldo amo ang malikawan nga madulaan sang trabaho ang iban nga mga cardinal kag pari bangud sa epekto sang COVID-19 pandemic.

Ginalauman na sang Holy See nga magadangat sa 50 million euro ukon P2.8 billion ang madula sa ila subong nga tuig bangud sa pandemya.

Humalin sang nangin Santo Papa si Francis sang 2013, gintinguhaan na niya nga mabutang sa insakto ang kwarta sang Holy See agud nga may yara sang accountability kag transparency sa Vatican.