ILOILO – Nakasabat na ang lima ka mga alkalde sa probinsya sang Iloilo sa show cause order nga ginpapanaug sang Department of the Interior and Local Government (DILG).
Madumduman nga ginhatag ang amo nga order matapos nga wala nalab-ot ang 80% threshold sa cash distribution sang Social Amelioration Program (SAP) sa idalom sang Department of Social Welfare and Development (DSWD) sa gintalana nga deadline sang Mayo 10.
Lakip sa mga gintumod nga local government units (LGUs) amo ang banwa sang Tubungan, Oton, Tigbauan, Leon, kag Alimodian.
Sa interview sang Bombo Radyo kay Provincial Administrator Atty. Suzette Mamon, iya ginpahayag nga ang iban nga alkalde ang nagdiretso na sa paghatag sang sabat sa DILG kag naghatag lang sang kopya sa Iloilo Provincial Government.
