Handa si Vice President Sara Duterte nga magbulos bilang presidente pananglitan magpanaog sa pwesto si President Ferdinand Marcos, Jr.
Sabat ini ni Sara sang ginpamangkot kun preparado bala siya nga sundon ang constitutional mandate of succession kun mag-resign ang punong ehekutibo.
Suno sa bise-presidente, wala sang kwestyon sa iya kahandaan bangud sang nagpadalagan siya, nakahangop siya nga siya ang una sa linya sang magabulos kun may matabo kay Marcos.
“Pinresenta ko sa inyo, tumakbo ako bilang vice president. Alam ko na first in line ako sa succession. Wala nang tanong dun kung ano ang gagawin ko. Yun ang mandate sa akin ng Constitution, at alam ko yun noong ako ay tumakbo at binoto niyo ako as Vice President knowing that I am the first in line,” pahayag sini.
Sa 1987 Constitution, ang vice president ang first in line sa succession kun mapatay, may permanent disability, makakas, ukon mag-resign ang nagapungko nga presidente.
Ang reaksyon sang vice president ang sa tunga sang mga panawagan sang pila ka grupo nga mag-resign na si Marcos bangud sang eskandalo sa kurapsyon partikular sa government infrastructure projects kun sa diin na-implicate ang madamo nga mga mamalidha kag mga opisyal.
