Liwat nga nagpanindugan si Davao City Mayor Sara Duterte-Carpio nga mismo ang iya amay nga si Presidente Rodrigo Duterte ang naghingyo sa iya nga INDI magpadalagan sa pagka-presidente.
Baliskad ini sa pahayag ni Presidential Spokesperson Atty. Harry Roque kahapon, Hunyo 29, nga luyag ni Presidente Duterte nga mapadalagan si Sara sa 2022 national elections apang mismo ang anak ang nagpamalibad.
Suno kay Mayor Sara, posible nga lain lang ang nahinambit sang iya amay kay Roque.
Ginpahayag pa sang alkalde nga pati ang iya iloy nga si Elizabeth Zimmerman ang indi man luyag nga intrahan niya ang presidential post sa masunod nga eleksyon.
Suno kay Mayor Sara, ginapahangop sa iya ni Presidente Duterte nga maguba lang siya kun mapadalagan siya bilang pinakamataas nga opisyal sang pungsod; samtang nagapahayag naman ang iya nga iloy nga mahidlaw gid ini sa iya kun magabiya siya sa syudad sang Davao.
