Nagpaguwa sang statement si Vice President Sara Duterte agud pasalamatan ang Iglesia Ni Cristo (INC) sa pag-organisar sang “National Rally for Peace” subong nga adlaw, Enero 13.
Pahayag ni Sara, isa ini ka pagpakita sang unity kag pagtuo nga ang tinutuyo lamang amo ang kalinong sang Pilipinas.
“Ito ay isang makapangyarihang pagpapakita ng pagkakaisa at pananampalataya na ang tanging hangad lamang ay kapayapaan tungo sa kaunlaran ng ating bansa,” kabahin sang recorded statement.
“Sa gitna ng tumataas na presyo ng bilihin, kahirapan, at iba pang suliranin, ang isang mapayapa at nagkakaisang Pilipinas ay hindi kailanman matitinag, at paulit-ulit na aahon sa gitna ng hamon ng panahon,” dugang sini.
“Muli, sa aking mga kababayan, maraming salamat sa inyong malasakit sa bayan.”
Una na nga nagdepensa ang INC nga wala sang pulitika sa likod sang ila rally.
Ini sa tunga sang statement sang iban nga tawo nga nagasiling nga “show of force” lamang ini ukon pagpakita ini sang pwersa kag nagatuyo nga hayluhon ang mga kongresista nga indi pagsuportahan ang impeachment cases batok kay Duterte.
Sa nauna nga statement sang religious group, ginsiling nila nga ginasuportahan nila ang pahayag ni President Ferdinand Marcos Jr. nga kinahanglan magtutok sa mas daku nga mga isyu sa pungsod sa baylo nga magsentro sang atensyon sa pag-impeach kay Sara.
“Ang sinuportahan namin ay ang opinyon ng Presidente dahil tama ang sinabi niya na maraming problema ang ating bansa. Ito ang dapat na unahin natin,” kabahin sang statement sang INC. “Ito ang aming tinitindigan: unahin ang kapakanan ng ating bayan at ng ating mga mamamayan… Ang isang bansa ay nagiging payapa kung napangangasiwaan ng mga batas. Kung walang batas, o kung may batas pero di sinusunod ang batas, anarkiya ang ibubunga.”
Matandaan nga ginsuportahan sang INC ang UNITEAM ukon tandem nanday Marcos kag Duterte sang 2022 elections.
As of press time, tatlo ka impeachment complaints ang ginapangatubang ni Sara nga lunsay nag-ugat sa kontrobersyal nga confidential funds sang Office of the Vice President kag Department of Education nga iya man anay ginpamunuan antes siya nagbiya sa Gabinete ni Marcos.#
