Matapos ginpahayag nga indi ini magsuporta sa Go-Duterte tandem, ginpabutyag kahapon ni Davao City Mayor Sara Duterte ang iya suporta para sa amay nga si Presidente Rodrigo Duterte nga nagpabalo na sang iya plano nga magpadalagan sa pagka-bise presidente sang Pilipinas.
Suno kay Mayor Christina Garcia-Frasco, spokesperson ni Mayor Sara, nagapanawagan ang presidential daughter sa mga supporters niya nga suportahan man ang iya amay sa maabot nga 2022 elections.
Apang kun pisikal nga pagpangampanya sa bilog nga pungsod para sa Partido Demokratiko Pilipino–Lakas ng Bayan (PDP-Laban) pahayag ni Frasco, lain na ini nga butang.
Ang desisyon ni Mayor Sara dugang pa sang spokesperson sini ang magapabilin sa diin indi ini luyag nga malakip sa national campaign sang PDP Laban sa 2022.
Sa baylo nga magpadalagan sa national posisyon, nadesisyonan ni Mayor Sara nga magapa-re elect ini bilang alkalde liwat sang Davao City.
Samtang ang iya naman utod nga si Sebastian Duterte amo ang magapadalan bilang bise alkalde.
Una na nga ginpahayag ni Mayor Sara nga may yara sila sang kasugtanan sang iya amay nga isa lang sa ila nga pamilya ang magapadalagan sa national position.
