Nagdepensa si Vice President Sara Duterte matapos nga nagdamo pa gid ang reaksyon sang gobyerno kag sang publiko sa iya pahayag nga may ginmanduan siya nga kun may magpatay sa iya, ipapatay man si President Ferdinand Marcos, Jr., First Lady Liza Araneta-Marcos kag House Speaker Martin Romualdez.
Sabat ni Sara sa iya latest press conference, indi man ini active threat KUN indi siya pagpatyon.
“Abogado ako. Alam ko kung ano’ng ilegal at hindi ilegal. Alam ko kung ano ang actionable at hindi actionable. Hindi actionable ang maghabilin ka… Walang active threat kung hindi ako mamatay. Walang mali doon. Walang ilegal doon,” pahayag sang vice president.
Una naman nga gintawag sang Malacañang nga “active threat” ang pahayag ni Sara sa isa ka video press conference sang Sabado sang kaagahon.
Gina-imbestigaran naman ini sang National Bureau of Investigation (NBI) kag naka-isyu na sang subpoena kay Sara.
Sa press conference, Nobyembre 27, ginpahayag man ni Sara nga nakaabot na sila ni Marcos sa “point of no return” sang ginpamangkot siya kun may posibilidad nga mag-ayuhay pa sila bangud magka-tandem man sila sang 2022 elections.
