Ginbulgar sang anay head of procuring entity (HOPE) sang Department of Education (DepEd) nga regular siya nga ginregaluhan sang kuwarta ni Vice President Sara Duterte sang nagapungko pa ini nga tiglikom sang ahensya.
Ang nag-testify amo si former DepEd undersecretary Gloria Mercado kadungan sang iya pag-atubang sa House good government committee, Septyemre 25.
Ginpahayag sini nga nagbiya siya sa posisyon sang Oktubre 2023 kasunod sang mandu sang chief-of-staff ni Duterte nga magpasa siya sang resignation.
Pahayag sini, halin sang Pebrero 2023 tubtub Septyembre 2023 nga nakabaton siya sang siyam ka sobre nga may label nga “HOPE” nga ginapahayag direkta naghalin kay Duterte.
“Between February of 2023 to September 2023, I received a total of nine envelopes labeled HOPE, my concurrent position at DepEd during that time. These envelopes were handed to me mostly by Assistant Secretary, Sunshine M. Fajarda, which she says came directly from Vice President [Sara] Duterte,” suno kay Mercado.
Nag-alang-alang ini sa pagsabat kun bribe ukon payola ang amo nga kuwarta, apang nagpahayag sang posibilidad sang ginpamangkot siya kun paagi ayhan ini ni Duterte agud ma-impluwensyahan ang iya desisyon.
“You will not uncomfortably open an envelope you describe as allowance. You will not be thinking about the ombudsman case. You will not be protecting about yourself. The reason why you are considering all these concerns is because you believe that that envelope is a bribe, do you agree?” pagpisa-pisa ni Batangas 2nd District Representative Gerville Luistro.
“It’s a kind of a harsh word to use: bribe,” sabat ni Mercado.
“Or should I say, it is a means to influence your decision being the HOPE?” pamangkot liwat ni Luistro.
“It could be,” sabat naman ni Mercado.
Bangud may press conference si Sara kadungan sang hearing sa Kamara, gilayon ini nga nakahatag sang reaksyon sa ginsapubliko sang anay undersecretary.
Suno kay Sara, dapat nga may papel si Mercado para pamatud-an ang iya nga mga akusasyon. Gintawag man sini si Mercado nga “disgruntled former employee” kag ginsiling nga ginkakas siya sa ahensya bangud nawad-an na siya sang salig sa amo nga opisyal.
“Gloria Mercado is a disgruntled former employee of the DepEd. She was let go because of loss of trust and confidence sa Office of the Secretary,” suno kay Sara.
Bangud na-kwestyon kun ano ang iya mga pamatuod, ginpaguwa naman ni anay Mercado ang mga nabaton sini nga envelope nga may unod nga kuwarta halin kay Sara.
“I-turnover ko na ang envelope… the envelopes where the money was. Kasi ang sakit naman nun, ordinaryo lang akong trabahante tapos inaano ka ng Vice President, ‘di ba. It’s very painful,” sabat sang former undersecretary. “I did not solicit, there was no money involved there… equipment siya na ite-turnover sa DepEd,” dugang sini sang ginpasibangdan siya ni Sara nga nag-solicit sang kuwarta gamit ang pangalan sang vice president.#
